Deus in loco sancto suo; Deus qui inhabitare facit unanimes in domo, ipse dabit virtutem et fortitudinem plebi suae.

Dumalo ako sa Misa sa Gesu bilang pagsuporta kay Jun Lozada o JLo.  At dito ko napagtanto ang mga sumusunod:
1.  Na ang hindi pakikibaka para sa tama ay pagpayag sa mali.  Ayaw ng mga teacher ng mali.  Dahil pag maraming mali kailangang mag-retest.  Ayaw ng Simbahan ng mali kaya nga dapat labanan ang kasamaan.  Ayaw ko ng mali, gusto ko lagi akong tama.

2.  Na hindi epektibo ang mga statement na ang phrasing ay "We call on the president to blah blah blah."  Mas higit na epektibo kung may isang obispong magsusuot ng miter at titingin sa kamera habang sinasabi ito nang nakaduro sa direksyon ng mga manonood:
"Oo, ikaw, nabunyag na sa lahat ang mga kabalbalan mo.  Kailan ka pa magsisisi?  Kapag huli na ang lahat?  Alam mo, ginawa ni God ang impiyerno para may paglagyan ka!"
at matatapos ang lahat ng ito kung may isang obispo na naka-Miter na sasabihin sa TV:
"Lahat kayong taga-Metropolitan Province of Manila, lumabas na kayo sa mga bahay ninyo at kuyugin natin ang mga maysala.  Sugpuin natin ang kasamaan."

at may isang exorcist na magsasaboy ng katakot-takot na holy water sa malacanang para mapaalis si satan.  The Church has to remove the social sin that perpetuates the evil of poverty i.e. corruption. 

3.  Na hindi madali ang pagbabago sa lipunan hangga't hindi lahat tayo nakikisama at nakikibaka.  Parang yung kuwento ng pitong tanga.  Tumawid sila sa ilog at pagkatawid, para masigurong kumpleto sila, binilang ng unang tanga ang kanyang mga kasama.  One.  Two.  Three.  Four.  Five.  Six.  Naku, pito tayo, nasaan ang isa, baka nalunod.  Hangga't hindi natin nabibilang ang ating sarili, isa rin tayong tanga.

(Teacher, bad word)

Ayaw kong maging tanga.  Kurakot sila.  Yun lang yun.  Ano pa bang hinihintay niyo mga bishop?